Gratë mund të jetojnë më gjatë, por burrat kanë një jetë më cilësore

Sipas Organizatës Botërore të Shëndetësisë (OBSH), burrat jetojnë deri në 69 vjeç, ndërsa gratë në përgjithësi arrijnë mesatarisht 74 vjeç.

Por një studim i ri ka zbuluar sesi seksi dhe gjinia e formësojnë shëndetin dhe jetëgjatësinë tonë.

Të qenit grua ose burrë ndërvepron me variabla të tjerë, si raca, statusi socio-ekonomik, mosha ose orientimi seksual, duke rritur rrezikun e sëmundjeve të ndryshme dhe jetëgjatësinë e ndryshme.

Studimi i ri, i publikuar në “The Lancet”, arriti në përfundimin se burrat përjetojnë një shkallë më të madhe të humbjes së shëndetit dhe kanë një barrë më të lartë të sëmundjeve që çojnë në vdekje të parakohshme, por se gratë vuajnë më shumë patologji që dëmtojnë cilësinë e tyre të jetës.

Gratë vuajnë një shkallë më të lartë dhimbjet e shpinës, dhimbjet e kokës dhe çrregullimet depresive, duke ndikuar në rutinat e tyre të përditshme.

Burrat, nga ana tjetër, kanë më shumë gjasa të kenë probleme me zemrën ose të përfshihen në një aksident automobilistik.

Shkencëtarët që qëndrojnë pas studimit pranojnë se ai ka kufizimet e veta, pasi vlerësimet dhe të dhënat e përdorura i përmbahen një kornize dhe ndikimi në shëndet nuk mund të analizohet dhe vlerësohet vetëm për grupet e ndryshme gjinore.

Rezultatet, të cilat analizuan të dhënat nga viti 1990 deri në vitin 2021, gjetën pak përparim në mbylljen e hendekut shëndetësor midis burrave dhe grave.

Interpretimi përfundimtar i studimit është se dallimet e dukshme shëndetësore midis grave dhe burrave tregojnë një nevojë urgjente që politikat të bazohen në të dhëna specifike për gjininë dhe moshën.

The post Gratë mund të jetojnë më gjatë, por burrat kanë një jetë më cilësore appeared first on Albanian Post.