Irani nis dronë drejt Izraelit si shenjë hakmarrjeje

The post d first on INA ONLINE.Irani nis dronë drejt Izraelit si shenjë hakmarrjeje appeare

Irani ka nisur sulme me dronë drejt Izraelit, ka thënë të shtunën në mbrëmje Forca e Mbrojtjes e Izraelit.

Sipas saj, valës së dronëve do t’iu duhen orë për të arritur në Izrael.

Ky njoftim vjen pas disa ditëve të raportimeve se Irani ka qenë duke e përgatitur një sulm kundër Izraelit, në shenjë hakmarrjeje për një sulm në konsullatën iraniane në Siri, që ka lënë të vdekur edhe komandantë të lartë iranianë.

Izraeli nuk e ka komentuar asnjëherë këtë sulm, por Teherani e mban përgjegjës.

Kryeministri izraelit, Benjamin Netanyahu, ka thënë se sistemet për mbrojtje ajrore janë aktivizuar dhe që forcat e armatosura të Izraelit janë gati.

“E kam një parim të qartë – kushdo që na lëndon, do ta lëndojmë. Ne do ta mbrojmë veten nga çdo kërcënim dhe do ta bëjmë këtë me qetësi dhe vendosmëri”, ka thënë ai./REL

The post Irani nis dronë drejt Izraelit si shenjë hakmarrjeje appeared first on INA ONLINE.