Policia po heton të shtënat ndaj rojes së sigurisë jashtë shtëpisë së Drake në Toronto

Një roje sigurie që punonte në shtëpinë e reperit Drake në Toronto, Kanada është qëlluar, thanë autoritetet të martën e 7 majit.

Policia u thirr në shtëpi rreth orës 2 të mëngjesit të së martës sipas kohës lokale, ku gjet një burrë i plagosur, i cili u dërgua në spital në gjendje të rëndë, tha inspektori Paul Krawczyk me Policinë e Torontos gjatë një konference për shtyp.

Roja i sigurisë ishte duke punuar jashtë portës së shtëpisë kur u qëllua, sipas autoriteteve. Ai mbetet i shtruar në spital në gjendje të rëndë, shkruan CNN, transmeton AlbanianPost.

Krawczyk nuk pranoi të përgjigjej nëse Drake ishte në rezidencë në kohën e të shtënave, por tha se autoritetet janë në kontakt me ekipin e artistit dhe ata po bashkëpunojnë mbi hetimin.

Kur u pyet nga gazetarët nëse të shtënat kishin të bënin me grindjen e fundit në të cilën Drake ishte përfshirë me rep artistin Kendrick Lamar, Krawczyk tha se ende nuk është përcaktuar asnjë motiv.

Ai shtoi se kishte shumë të dyshuar të përfshirë, të cilët u larguan nga zona me një automjet dhe hetuesit po shqyrtojnë videon e incidentit.

Drake është një nga artistët më të shitur të të gjitha kohërave.

Një fitues pesë herë i çmimit “Grammy” i njohur për hitet si “Nice For What”, Drake u njoh nga Shoqata e Industrisë së Regjistrimit të Amerikës vitin e kaluar për t’u bërë artisti i parë që shiti më shumë se 200 milionë njësi.

Beteja lirike mes Drake dhe Lamar u intensifikua kohët e fundit pasi secili publikoi këngë për tjetrin, me goditje personale dhe profesionale që kanë nxitur debatin në internet mes fansave të tyre.

Përfaqësuesit për Lamar nuk kanë pranuar ta komentojnë situatën.

The post Policia po heton të shtënat ndaj rojes së sigurisë jashtë shtëpisë së Drake në Toronto appeared first on Albanian Post.