Ish-kryeministri Berisha uron Pashkën: Le të urojmë që Pashkët e tjera të na gjejnë të lirë

Ish-kryeministri Sali Berisha ka uruar mbrëmjen e sotme besimtarët ortodoksë për Pashkët.

Berisha, gjatë fjalës së tij nga dritarja e banesës, ka uruar që Pashkët e tjera ‘të na gjejnë të lirë, në dinjitet dhe shpresëplotë’.

“Të dashur qëndrestare dhe qëndrestarë, guximtare dhe guximtarë, misionarë të vërtetë të dinjitetit, lirisë dhe të vërtetave të mëdha të njeriut.

Para së gjithash më lejoni që të uroj sonte të gjithë besimtarët ortodoksë shqiptarë, gëzuar Pashkën, ditën e ngjalljes së Krishtit.

Ditën e pavdekësisë, ditën e frymëzimit të njeriut për besimin tek Zoti, tek hyu, tek e vërteta dhe e ardhmja.

Le të urojmë nga zemra që Pashkët e tjera të na gjejnë të lirë, në dinjitet dhe shpresëplotë”, tha Berisha.